ဘုရား

Religious Terms for Activists & Journalists မှ
ဤနေရာသို့သွားရန် - အ​ညွှန်း​, ရှာဖွေရန်

လူတို့၏ ဦးထိပ်ထက်၌တင်၍ အထွတ်အမြတ် ထားရသောသူ၊ လောက၏ အကျိုးစီးပွားကို ဖြစ်စေတတ်သောသူ။


ရှင်းလင်းချက်[ပြင်​ဆင်​ရန်​]

မြန်မာစကား ဆင်းသက်ပုံတွင် ဘုရားဆိုသော ဝေါဟာရကို ရှေ့ခေတ် ပုဂံပြည်၌ “ပုရှားသ္ခင်” ဟူ၍ လည်းကောင်း၊ “ပုဟြာသ္ခိင်” ဟူ၍ လည်းကောင်း၊ “ပုရှား” ဟူ၍ လည်းကောင်း ရေးထုံး အမျိုးမျိုး ရှိသည်။ ထို့အပြင် နောက်ပိုင်း အင်းဝ ကုန်းဘောင်ခေတ်များ၌ “ဗုရား” “ဖုရား” ဟူ၍ ရေးထုံးများ ပြောင်းလဲလာကြသည်။ ယခုခေတ်တွင်မူ “ဘုရား” ဟူသော ရေးထုံးသို့ ပြောင်းလဲသွားသည်။ အထူးမှတ်ရန်မှာ ဘုရားဆိုသော ဝေါဟာရသည် မြန်မာစကား ဝေါဟာရတစ်မျှသာ ဖြစ်၍ မြင့်မြတ်သောသူ၊ ဦးထိပ်ထက်၌ တင်အပ်သောသူ ဟူ၍ အဓိပ္ပာယ်ရသည်။ လူတို့၏ ကိုးကွယ် အားထားရာ ပုဂ္ဂိုလ်ကို ဘုရားဟု ခေါ်ရုံမျှမက ရှင်ဘုရင်အား “မင်းကြီးဘုရား”၊ ရှင်ဘုရင်၏ အမျိုးသမီးအား “မိဖုရား”၊ ဆရာတော် သံဃာတော်တို့အား “အရှင်ဘုရား” “ဆရာတော်ဘုရား” စသည်ဖြင့် ဘုရားတပ်၍ ခေါ်ဝေါ်ကြသည်။